ILOILO CITY- Plano sang gobyerno sang Japan nga magpatuman sang mas mataas nga presyo sang ila serbisyo sa mga bisita nga dumuluong.
Suno kay Bombo Josel Palma, ini kasunod sang mga reklamo sang mga residente sang Japan sa tuman ka damo nga mga turista kun sa diin ang iban sa ila ang nagabinastos kag wala nagataha sa mga Japanese.
Base sa Japan National Tourism Organization , ang foreign tourist arrivals ang yara sa 3.04 million sang Mayo ukon 9.6% nga pagsaka halin sang amo man nga bulan sang 2019.
Pahayag ni Palma, apisar madamo nga negosyo ang nagabenepisyo sa mga bisita, nagareklamo ang mga residente nga indi na nila mahimo ang ila mga normal nga aktibidad bangud sa mga turista.
Sa subong, 600% increase ang plano nga ipasaka sa mga balayran sa mga kilala nga tourist destinations sa Japan.
