Napilian ang isa ka babaye nga prime minister sa labing-una nga tion sa maragtas sang Japan.
Ini amo si Sanae Takaichi, 64-anyos, presidente sang Liberal Democratic Party nga amo ang magabulos sa anay Prime Minister nga si Shigeru Ishiba.
Nakakuha si Takaichi sang 237 votes nga lapaw sa majority nga 233 sa first round.
Siya na ang ika-apat nga prime minister sang Japan sa sulod lamang sang lima ka tuig matapos nga nagsarurot tanan ang ratings kag nalamhitan sang eskandalo ang termino sang iya predecessors.
Natabo ang eleksyon matapos nagsugtanay ang iya partido kag ang Nippon Ishin no Kai (Japan Innovation Party) nga magtukod sang coalition government kasunod sang paghalin sang Komeito sa ruling bloc.
Matandaan nga sang Septyembre, nagpanaog sa pwesto ang anay prime minister bangud sang major setbacks sang partido sa eleksyon sa House of Representatives sang 2024 kag sa House of Councillors election sang nagligad nga Hulyo.
