ILOILO CITY – Naga-eksperyensya sang kakulang sang suplay sang patatas ang Japan humalin pa sang Disyembre sang nagligad nga tuig.
Suno kay Bombo International Correspondent Josel Palma direkta sa Japan, ang kakulang sang suplay sang patatas ang resulta sang malapnagon nga baha sa port sa Vancouver, Canada nga amo ang main hub sa pag-ship sang patatas sa Japan.
Ang shortage ang ginapalala pa sang coronavirus pandemic kag manubo nga production sang patatas sa pungsod bangud sang malain nga tyempo.
Bangud sini, ang pila ka mga fast-food chain sa Japan nga may 2, 900 ka mga branch sa nasambit nga pungsod ang nag-anunisyo nga limitahan na ang kadakuon sang fries ang ila nga iga-serbe.
Bilang sabat sa shortage, nagpakig-angot na ang fast food chain sa ila suppliers kag importers agud nga makadala sang madamo nga patatas sa pungsod.
