Naglawig sang 120 minutos ang hampang sa knockout stage sa tunga sang Japan kag Croatia apang yara sa gihapon sa 1-1 ang skor rason nga ginpaagi sa penalty kick shootout agud nga matumod kun sin-o ang mangin winner kag magasulod sa quarterfinals.
Ini ang labing-una nga tion sa World Cup 2022 nga naglab-ot sa penalty kick shooutout ang pagdeterminar sa winning team.
Sa shootout, tutok ang atensyon sang tanan sa Croatian goalie nga si Dominik Livakovic.
Na-save sini ang una nga duha ka kicks halin sa Japan kag naghatag sang huge advantage sa Croatia. Na-save pa gid sini ang ikaapat nga attempt sang Asian team.
Naka-skor naman ang Croatia sang three out sang ila una nga apat ka attempts.
Atubangon sang Croatia sa quarterfinals ang magadaog sa tunga sang Brazil kag South Korea. 3:00 am oras sa Pilipinas ang knockout match sa tunga sang duha ka nasambit nga teams.
