ILOILO CITY – Wala nahadlok ang Japan Team nga makasumpong ang mga power house teams sa World Cup 2022.

Japan’s players celebrate their victory in the Qatar World Cup 2022 Asian zone Group B qualification football match between Australia and Japan at Stadium Australia in Sydney on March 24, 2022. (Photo by SAEED KHAN / AFP) / — IMAGE RESTRICTED TO EDITORIAL USE – STRICTLY NO COMMERCIAL USE —

Sa ginpatigayon nga World cup draw, mangin kaupod sang Japan sa Group E ang Spain, Germany, Spain kag ang madaog sa play-off sa tunga sang Costa Rica kag New Zealand.

Suno kay Japan coach Hajime Moriyasu, wala sila sang dapat nga kahadlukan kag nagatinguha nga makalab-ot bisan sa quarter finals gid lamang.

Dugang niya, dako na nga bugal para sa ila bangud nahatagan sila sang tsansa nga mapyerde ang “best in the world” kung football ang hambalan.

Tun-an sang maayo sang grupo ang ila mga kasumpong apang wala nila ginakabig nga mas maayo sila kun ikumpara sa ila kontra kundi ipakita lamang nila ang ila nga masarangan.

Ang Japan ang rank 16 sa nagligad nga Wold Cup nga ginpatigayon sa Russia kasunod sang kalutusan sa Belgium.

Nagalaum naman si Moriyasu nga makahimo sang maragtas ang iya grupo sa patigayunon nga World Cup sa Qatar sa Nobyembre.

Ang Japan ang rank 23 sa FIFA rankings kag mapasimpalad sa ila ikapito na nga sunud-sunod nga pagpasakop sa World Cup.

RELATED ARTICLESMORE FROM AUTHOR