Sarangan mo bala nga ibaligya ang imo nawong? Kun huo, may yara sang isa ka Japanese company nga luyag mabatian ang imo sabat.
Ini bangud negosyo nila amo ang pagbakal sang imo nawong agud man nga ibaligya ini bilang hyper-realistic 3D printed masks.
Literal nga FACE MASK ang ginabaligya sang sini nga kompaniya.
Ang pagbakal sang nawong sang tawo ang nagabalor sang 40,000 yen ukon masobra P18,000 samtang kun ini naman ang ibaligya sang kompaniya, nagabalor ini sang masobra P45,000.
Sang gin-anunsyar ini sang kompaniya, madamo ang nag-kwestyon sa proyekto sa diin tubtob subong indi pa maathag kun ano ang tinutuyo sang amo nga kompaniya.
Sa mga luyag nga ibaligya ang rights sang ila nawong, nagakadapat nga naga edad ikaw sang 20 anyos pataas kag naka base sa Tokyo.
