ILOILO CITY – Nagaplano si Japanese Foreign Minister Yoshimasa Hayashi nga magbisita sa Manila agud nga magtambong sang inagurasyon ni President-elect Ferdinand Marcos Jr. sa Hunyo 30.
Ang plano ni Hayashi ang mangin una nga tion humalin sang 2004 nga nagtambong ang isa ka apanese foreign minister sa presidential inauguration sa Pilipinas.
Ini ang kabahin sang tinutuyo sang Japanese government nga magtukod sang maayo nga relasyon sa bag-o nga administrasyon kadungan sang aktibo nga maritime advancement sang China.
Ang Japan kag Estados Unidos ang nagapabaskog sa pagbantay batuk sa Chinese military movements sa ginakabig sang Beijing nga “first island chain”, isa ka sea defense line nga naga-stretch sa Japanese archipelago nga naga-agi sa Taiwan kag Pilipinas.
Ginakabig sang Japan kag Estados Unidos ang Pilipinas nga isa ka importante nga focal point para sa regional security.
