Japanese gov’t, natalana nga magrelease sang ¥20B loan sa PH gov’t sa tunga sang COVID-19 pandemic

Natalana na nga magrelease sang 20 billion japan yen ukon P8.7 billion ang Japan International Cooperation Agency (JICA) sa gobyerno sang Pilipinas sa Hunyo bilang bulig sa pagresponde sang pungsod sa COVID-19 pandemic.

Sa idalom sang Post-Disaster Stand-by Loan Phase 2 (PDSL 2), ang loan ang may katuyuan nga pondohan ang pandemic response sang Philippine government kaangay sang testing kag quarantine facility expansion kag social amelioration program para sa vulnerable sectors.

Humalin sang Setyembre 15, 2020 sa diin ginpirmahan ang PDSL 2, nakahatag na ang Japanese government sang kabug-usan nga 20 billion japan yen gikan sa 50 billion japan yen ukon P21.9 billion nga loan agreement nga ginsulod sang JICA kag Department of Finance (DOF) agud nga mabuligan ang pungsod sa tunga sang health crisis.

Nahibaluan nga ang loan ang may yara sang repayment period nga nagalab-ot sa 40 ka tuig lakip na ang grace period nga 10 ka tuig kag may fixed interest rate nga 0.01% per annum.