Napurnada ang hampang sang isa ka para-athlete sa Tokyo, Japan matapos nabungguan sang isa ka self-driving bus sa athlete’s village.
Ang biktima amo ang Japanese athlete nga si Aramitsu Kitazono, 30, isa ka bulag nga Paralympian, kag natalana kuntani nga maga-compete sa men’s 81-kilogram division subong nga Sabado.
Ginalantaw nga duha ka semana pa antes mag-ayo ang injury nga naangkon sang amo nga atleta pagkatapos sang insidente.
Suno sa pulis, nagatabok si Kitazono sa pedestrian lane sang gulpi man nga nagliko pa-tuo ang amo nga bus sang nag-abot na sa intersection sang village.
Ang e-Palette autonomous electric buses amo ang salakyan nga gin-develop sang Toyota Motor kag isa sa mga sponsors sa hinampang sa Tokyo subong nga tuig.
Pahayag pa sang mga pulis, antes ang aksidente, nakapundo pa ang bus sang na-detect sang sensor sini ang security guard nga yara nagatindog sa intersection.Gilayon man nga nagpangayo sang pasaylo ang Toyota kag temporaryo nga ginsuspinde ang byahe sang amo nga e-Palette buses.
“We are very sorry that the accident has made many people worried. A vehicle is stronger than a person, so I was obviously worried about how they were. It shows that autonomous vehicles are not yet realistic for normal roads,” kabahin sang pahayag sang Toyota.
Nagpasalig ang kumpaniya nga may imbestigasyon nga himuon.
Disappointed naman ang Japanese paralympian bangud indi na ini makahampang. Suno sa coach nga si Yoshiyasu Endo: “He wanted to take good care of himself. We feel regret, but I think he is the most disappointed.” ##
