Lunsay indi pa sigurado ang veteran big men sa Philippine Basketball Association (PBA) nga sanday Japeth Aguilar kag Kelly Williams kun masarangan na nila nga maka-recover sa injury kag makahampang para sa ila tagsa ka team sa finals.
Maga-umpisa sa Abril 9 ang best-of-seven championship clash sa tunga sang Barangay Ginebra kag TNT.
Suno kay Gin Kings head coach Tim Cone, wala pa gid nakabalik si Aguilar sa full practice sang team.
Matandaan nga una nga duha ka hampang lamang sa conference ang naintrahan ni Aguilar kag nagpahuway na bangud sang knee injury sang Pebrero.
Kinahanglan sang defending champion ang pwersa ni Aguilar sa pag-atubang sa Tropang Giga nga may duha lamang ka kalutusan sa 16 games sa conference.
Sa pihak nga bahin, nag-suprer man sang calf injury ang TNT veteran forward nga si Williams matapos ang elimination round.
Suno sa 41-anyos nga former PBA Most Valuable Player, maayo na ang iya pamatyag duha ka semana matapos naangkon ang injury apang indi pa niya ini mahimo marisgo.
Matandaan nga dalayon ang performance sang TNT sa playoffs nga madasig nga naglutos sa Phoenix sa quarterfinals kag sa Meralco sa semifinals games. ##
