ILOILO CITY – Nagakinahanglan sang dugang nga youth volunteers ang Jaro Archdiocesan Youth Commission ilabi na subong nga ginasaulog ang Year of the Youth.
Sa interview sang Bombo Radyo kay Ada Marie Christina Gabales, coordinator sang Jaro Archdiocesan Youth Commission, iya ginpahayag nga subong nga 2019, madamu sang mga nakalinya nga aktibidad para sa pagtib-ong sa mga pamatan-on ilabi na sa religious aspect sang pagpangabuhi.
Suno kay Gabales, ang Jaro Archdiocesan Youth Commission ang madugay na nga gintukod para sa pagtalupangod sa ikaayo sang mga pamatan-on.
Ginpahayag ni Gabales nga ang nasambit nga komisyon ang ginabug-usan sang nagkalain-lain nga youth professionals.
Bilang isa ka youth servant, ginpahayag sang natungdan nga mas natun-an niya nga palanggaon isig ka tawo kag mas mapalapit sa Ginuo.
