ILOILO CITY – May bag-o na nga arsobispo ang Archdiocese sang Jaro.
Ini matapos ginbaton na ni Pope Francis ang resignation ni Jaro Archbishop Angel N. Lagdameo.
Magabulos kay Lagdameo si Most Reverend Jose Romeo Lazo nga naghalin sa Diocese of Antique.
Apang gin-athag ni Fr. Angelo Colada sang Social Communications sang Archdiocese of Jaro, nga magapabilin anay nga Archbishop si Lagdameo tubtob nga makapatigayon na sang canonical possession ukon ang nagakaigo nga transition.
Sa karon nagahulat na lang sila sang announcement gikan sa Vatican kun san-o sarang makapungko bilang arsobispo sang Archdiocese of Jaro si Most Reverend Jose Romeo Lazo.