ILOILO CITY- Ginakabig sang Jaro Police Station nga dako nga development sa pagsolbar sang kaso sa pagpatay sa isa ka nurse sa iya apartment sa
Jalandoni Street, Our Lady of Lourdes, Jaro, Iloilo City ang pagtuhaw sang mga testigo.
Ang biktima amo si alyas Vic,40-anyos nga myembro sang LGBTQ community kag isa ka government employee.
Sa interview sang Police Captain Melchor Tolentino, hepe sang Jaro Police Station, iya ginpahayag nga isa sa mga testigo ang nagkumpirma nga personal niya nga kilala ang suspek kag ang pangalan sini.
Suno kay Tolentino, sa subong, ginaproseso na ang affidavit sang mga testigo agud makapasaka na sang kaso batok sa suspek.
