Nagapakig-angot ang Jaro Police Station sa mga barangay officials agud nga magbantay sa tion nga may yara sang vaccine rollout ukon distribution sang ayuda.
Sa interview sang Bombo Radyo kay Police Captain Eduardo Siacon Jr., hepe sang Jaro Police Station, iya ginpahayag nga kun kaisa nagahingyo sila sa mga barangay officials nga kun mahimo , mabantayan anay sang mga tanod ang mga vaccination sites kag lugar sa diin ginahiwat ang distribution sang cash assistance agud masunod ang minimum health protocols.
Suno kay Siacon, gin-pull out na ang mga katapo sang Regional Mobile Force Battalion sa mga border checkpoints rason nga gamay lang subong ang police sa Jaro Police Station.
May mga force multipliers man dugang sang hepe nga nagabulig sa ila.
