Ginalantaw sang Jaro Police Station nga posible nga nawigit ukon ginhaboy ang tatlo ka mga sachets sang mga suspected shabu nga nakit-an sa Brgy. Our Lady of Fatima, Jaro, Iloilo City.
Ini kasunod man sang nasilhig kag napulotan ini sang isa ka street sweeper sa nasambit nga lugar.
Sa interview sang Bombo Radyo kay Police Major Eduardo Siacon, Chief of Police sang Jaro Police Station, iya ginpahayag nga matapos nga ginreport sa ila nga talatapan ang nakit-an nga sachets sang suspected shabu, ginturn-over sang street sweeper sa ila barangay kapitan.
Gilayon naman nga nagpadulong ang kapulisan sa ila nga barangay agud nga makuha kag ma-inspeksyon ang amo nga droga.
Ginpahayag man sini nga nagpakig-angot sila gilayon sa City Drug Enforcement Unit (CDEU) agud mapaidalum ang nakit-an nga droga sa laboratory examination.
Gin-athag man sang natungdan nga malayo sa lugar kon sa diin nakit-an ang droga sa ginpatigayonan sang drug buy-bust operation sa amo man nga barangay sang nagligad nga inadlaw.
