ILOILO CITY–Gintawag sang director sang  Jaro Archdiocesan Social Action Center (JASAC) si Presidente Rodrigo Duterte nga wala sang kredibilidad.
Ini matapos nga ginhangkat sang Presidente ang simbahan katolika nga handa siya nga magpalansang sa krus kun mapamatud-an nga matinlo ang mga pari may kaangtanan sa “Altar of Secrets” ni Aries Rufo.
Sa interview sang Bombo Radyo kay Msgr. Meliton Oso, director sang JASAC, iya ginpahayag nga ang nangin pahayag ni Duterte ang gilayon naman nga ginabawi sang Malacañang sa diin ginakabig nila ini nga isa ka “joke” ukon lahog lamang.
Suno kay Oso, wala niya ginapanginwala nga may problema ang simbahan bangud bilang human institution, indi man sila perpekto kag ang paglaslas sang Presidente sa mga pari ang ordinaryo na sa ila.
Nagapanindugan si Msgr. Oso nga padayon lang nila sa gihapon nga pangamuyuan si Duterte nga mangin halangdon kag mangin matuod nga modelo sa pungsod Pilipinas.