JASAC, maga-upod sa paglunsyar sang Limpyo Iloilo sang Prov. Gov’t

ILOILO CITY – Maga-upod ang Jaro Archdiocesan Social Action Center sa launching sang Limpyo Iloilo sang Iloilo Provincial Government sa Pebrero 21.

Sa interview sang Bombo Radyo kay Msgr. Meliton Oso, director sang Jaro Archdiocesan Social Action Center, iya ginpahayag nga naghingyo si Iloilo Gov. Arthur Defensor Jr. sa organisasyon nga updan ang programa Limpyo Iloilo.

Suno kay Oso, sa Pebrero 21, 4:00 sang hapon dululungan nga bagtingon ang lingganay sa tanan nga simbahan sa probinsya sang Iloilo.

Nagpangabay si Oso sa tanan nga pari sa probinsya sang Iloilo nga hatagan sang atensyon ang pagbagting sang mga lingganay.

Paagi sini, maipakita man sa tanan nga ang simbahan Katolika ang naga ugyon sa programa sang probinsya.

Dugang pa sang natungdan, indi lamang isyu pulitika ukon turismo ang nasambit nga pograma kundi isyu moral man sa diin may kahilabtanan ang simbahan.