Gin-aresto sang National Bureau of Investigation (NBI) ang former television and broadcast personality nga si Jay Sonza kagab-i, Abril 30, sa Quezon City.
Nag-ugat ini sa iya kaso nga cyberlibel nga ginpasaka bangud sang ginaalegar nga pagpalapta sang peke nga medical records ni President Ferdinand “Bongbong” Marcos, Jr.
Suno kay NBI Director Melvin Matibag, nagpagwa ang Pasay City Regional Trial Court sang arrest warrant kahapon gani nga naghulag sila gilayon kag gindakop ang former broadcaster nga subong yara na sa NBI headquarters sa Pasay City.
Suno kay Sonza, nakibot na lamang siya nga gindakop siya kagab-i bangud sang adlaw, mapyansa pa kuntani siya apang wala pa sang arrest warrant.
Ginpahayag pa sini nga “non-bailable” ukon wala sang pyansa nga nakabutang sa warrant.
Ginkwestyon man sang iya legal counsel nga si Atty. Mark Tolentino ang pagdakop sa iya kag ang klasipikasyon sang kaso nga indi mapyansahan bisan nga suno sa ila, minimal lang kuntani ang penalidad sa alleged offense.
Ginpahayag sang abogado nga siguruhon nila nga matahod gid ang mga kinamatarong ni Sonza ilabi na bilang isa ka senior citizen.
Matandaan nga sang Pebrero sang gin-file sang NBI ang cyberlibel complaint batok kay Sonza kag sa Ilonggo nga si Jeffrey Luces Celiz ukon “Ka Eric Celiz” bangud sang ginapahayag nga pagpinalapta sang peke nga medical records sang president.
 ang former television and broadcast personality nga si Jay Sonza.){kind=link}