Nagpangibabaw ang tiglawas sang Pilipinas nga si Jeanne Isabelle Bilasano sa Face of Beauty International sa Kaohsiung, Taiwan.
Si Bilasano, 25, speech language pathologist, residente sang Malilipot, Albay, amo ang una nga Filipina nga nakakuha sang korona sa amo nga pageant para sa Pilipinas.
Nakuha man sini ang iban pa nga pagkilala kaangay sang People’s Choice, Best in National Costume, Best in Long Gown kag Best in Swimsuit awards.
Sa iya send-off party, ginpasalamatan sini ang suporta sang Filipino kag local designers nga nagpahulam sang ila creations kag amo ang iya ginsuksok sa pageant.
Nangin first runner-up ang Taiwan; 2nd runner up ang Colombia; ginasundan sang Tonga; samtang fourth runner up naman ang Thailand.
Matandaan nga nakig-partner ang Face of Beauty pageant sa Miss World Philippines franchise sa idalom ni Arnold Vegafria.
