ILOILO CITY – Wala ginasirado ni Mr. Jeck Conlu ang posibilidad nga magsulod sa politika.
Sa exclusive interview sang Bombo Radyo kay Conlu nga amo ang nagaserbe subong nga pinuno sang Public Safety and Transportation Management Office kag spokesperson sang COVID-19 Team sang Iloilo City Government, iya ginpahayag nga sang nagligad nga tuig nakabaton na ini sang tanyag nga magpadalagan.
Apang bangud madamo pa ini sang mga trabaho nga wala pa natapos, ginpaiway niya anay ang politika.
Suno kay Conlu, kun masulod siya sa politika nakahanda na siya para sa masunod nga piniliay.
Nahibaluan nga antes mangin executive assistant, nagserbe anay si Conlu bilang Barangay Kagawad sang Bo. Obrero Lapuz, Iloilo City.
