Indi magpadalagan si former Iloilo City Mayor Jed Patrick Mabilog sa 2025 elections.
Sa interview sang Bombo Radyo kay Atty. Eduardo Reyes, III, legal counsel sang Team Gugma, iya ginpahayag nga personal nga ginkumpirma sa iya ni Mabilog nga indi ini makapadalagan sa masunod nga piniliay.
Suno kay Reyes, ginakasubo man ni Mabilog nga indi ini makapapili.
Sa pihak sini, gin-endorso sa gihapon ni Mabilog ang Team Gugma sa pagpanguna ni Iloilo City Lone District Rep. Julienne ‘Jam Jam’ Baronda.
Nahibaluan nga wala sang kandidato ang Team Gugma sa pagka-Mayor.
Samtang ang Team Uswag ni Raisa Treñas-Chu ang wala man sang kandidato sa pagka-kongresista.
