Nalangkag na ang madamo nga mga jeepney drivers nga may ruta nga Iloilo City to Pavia and vice versa para sa pagbukas sang Ungka flyover in full capacity.
Natalana ang pagbukas sang flyover sa Disyembre 23.
Sa interview sang Bombo Radyo kay Carlito Silva, driver sang Jaro CPU- Ungka nga jeep, iya ginpahayag nga positibo siya nga mas mangin maayo ang ila byahe.
Suno kay Silva, magluwas nga mas mangin madasig na ang dalagan sang trapiko, mas madugangan pa ang ila kita.Matandaan nga una gin-anunsyo sang Department of Public Works and Highways nga sa Disyembre 25 ini buksan apang kahapon, ginkumpirma sang Iloilo City Traffic and Transportation Management Office nga nakabaton sila sang coordination halin sa ahensya nga buksan na ang Ungka Flyover umpisa sa December 23.
