ILOILO CITY- Nagapanawagan ang ang masobra isa ka gatos ka mga jeepney drivers sa distrito sang Molo kun mahimo mapadasig ang pagrelease sang cash assistance nagikan sa Social Amelioration Program sang Department of Social Welfare and Development.
Sa interview sang Bombo Radyo kay Arman Ruego, Presidente sang Jeepney Association sang Baluarte kag Timawa, iya ginpahayag nga ang cash assistance nagikan sa amo nga ahensya ang ila ginasaligan nga bulig agud mahatagan snag kalan-on ang ila pamilya sa sining tion sang krisis.
Suno kay Ruego, bangud indi sila makabyahe, wala sila sang mahimo kuhaan sang ila palangabuhian sa adlaw-adlaw nga tanan.
Dugang pa niya, agud makatipon sang inugbakal sang pagkaon para sa ila pamilya, nagapangkayo-kayo nalang sila sa mga nagalabay sa bahin sang San Antonio Molo sa diin may nakasulat pa nga ‘Donasyon para sa mga drivers, dugang nga budget para sa ikaayong lawas”.
Problema man nila suno sa natungdan, amo nga pila sa mga kapareho nila nga mga drivers ang wala nadala sa listahan sang mga mahimo makabatun sang cash assistance sa social amelioration program.
