Sa labing-una nga tion, nakahakwat na si Jema Galanza sang tropeo bilang PVL Finals MVP matapos ginlutos sang Creamline Cool Smashers ang sister team sini nga Choco Mucho Flying Titans sa Game 2 sang All-Filipino Conference finals sa Smart Araneta Coliseum.
Sa atubang sang 23,162 fans, nakuha man ni Galanza ang Best Outside Spiker award!
Ini na ang ikaapat nga sunod-sunod nga All-Filipino crown sang Cool Smashers kag pang-walo naman sa kabug-usan sa maragtas sang liga nga amo pa ang nagsemento sa ila pangalan bilang “undisputed greatest PVL team of all time.
Nangin makahalawat-hawat ang skor, 20-25, 25-20, 22-25, 25-22, 15-11. Sanday Bernadeth Pons kag Tots Carlos naman ang nagpaulan sang 17 kag 16 points.
Nakahatag ang beterano nga middle blocker nga si Jeannette Panaga sang 13 points samtang si Michele Gumabao kag anay Flying Titans star nga si Bea De Leon ang may tag-seven points.
Antes nabulsa ang kadalag-an, nangin roller-coaster man ang inagyan sang Cool Smashers sa sini nga edisyon matapos nga nagpang-apat lamang sa elimination round sang ginlutos ini sang Choco Mucho sa semifinals.
Sa sini nga season, nagpangatlo ang Petro Gazz nga may mataas nga points ratio sa Chery Tiggo.#
