Nagpalab-ot ang pagpakig-unong ang Original Pilipino Music (OPM) community kasunod sang kamatayon sang isa sa lead vocalists sang banda nga Jeremiah.
Suno sa banda, nagtaliwan si Piwee Polintan kasunod sang stroke nga gin-suprer sini sang Oktubre 23.
Naghatag man sang tribute ang grupo paagi sa Facebook post nga nagalaragway kay Piwee bilang “exceptional artist whose voice and passion touched the hearts of many.”
“It is with profound sadness that we announce the passing of Mr. Piwee Polintan, beloved vocalist of the band Jeremiah,” pahayag pa sang OPM band.
“Beyond his music, he was a cherished friend, a loving soul, and a brother to us all. His legacy will live on through the songs and memories he shared with the world,” kabahin pa sang post sang grupo.
Ila man ginpasalamatan ang tanan nga nagpangamuyo, nagsuporta, kag nagpalangga kay Piwee ilabi na sang tion nga ginbudlayan ini sa iya nga kondisyon.
“Please continue to keep his family and loved ones in your thoughts and prayers. May his soul rest in eternal peace.”
Matandaan nga nagsuprer man anay si Piwee sang Stage 4 cancer sa tonsil sang 2007, apang nag-ayo ini paagi sa operasyon kag chemotherapy. Sang 2011, gindeklarar siya nga cancer-free kag nagbalik ini sa pagkanta.
Una nga nabatian ang Jeremiah sang 1998 kag kilala sa mga kanta nga “Bakit Ka Iiyak?” “Nanghihinayang,” “Kahit Anong Mangyari,” “Basta’t Ikaw,” kag madamo nga iban pa. Ginkilala ang banda bilang winner sang Best Performance by a New Group sa 12th Awit Awards.
