Ginkumpirma sang maninoy kag suod nga abyan nanday Jericho Rosales kag Kim Jones nga bulagay na ang amo nga celebrity couple halin pa sang 2019.
Suno kay Ricco Ocampo, mutual ang desisyon sang aktor kag Filipina-British model nga tapuson na ang ila halos isa ka dekada nga pag-updanay.
Ginpahayag man sini nga “with grace and maturity” ang pagbulaganay sang duha kag ginpabilin gihapon ang ila relasyon bilang mag-abyan.
“While the friendship between the two remains, they have decided it is time to lead separate lives. They are encouraging each other to grow, albeit in different directions. It was a mutual decision, an amicable separation, dealt with grace and maturity by both parties,” pahayag pa ni Ocampo.
2022 lamang sang nagguwa ang espekulasyon nga bulagay na sanday Jericho kag Kim matapos na-obserbaran sang netizens nga wala na sila naga-share sang laragway sang kada isa sa ila sa social media. Apisar sini, kun may okasyon kaangay sang birthday sang aktor, may sweet message gihapon si Kim kag cool man ang reply ni Jericho.
Marso 2011 sang una nga nagkit-anay sanday Kim kag Jericho, nag-angkon sang relasyon sang Oktubre sang amo nga tuig, ginsapubliko sang Marso 2012 kag na-engage sang Agusto 2013.
Nagpakasal sila sa resort sa Boracay sang Mayo 2014. #
