Magapaidalom liwat ang British singer nga si Jessie J sa isa pa ka operasyon para sa cancer treatment.
Ginpahibalo niya ini sa fans kadungan sang announcement nga ikanselar sini ang iya tour dates sa Estados Unidos sang Amerika nga matabo kuntani sa Nobyembre; samtang iga-reschedule naman ang iya events sa Europa —halin sa Oktubre 2025, ginsaylo sa Abril 2026.
Pahayag sini, posible matabo ang iya ikaduha nga surgery antes magtakop ang 2025.
“Unfortunately, I have to have second surgery. Nothing too serious but it has to be done before the end of the year,” kabahin sang iya video sa Instagram page.
Dugang sini: “And unfortunately that falls right in the middle of a tour that I had booked. So I’m living in the moment, I’m embracing the moment, and I’m flying with the vibes.”
Nagpangayo ini sang pasensya nga indi madayon ang iya nauna nga plano sa tour dates, apang ginpaathag man nga kinahanglan sini anay nga mag-ayo.
“I’m so sorry, I feel frustrated and sad, but also it is what it is, and I need to be better, I need to be healed, and I know this is the right decision to make,” dugang sang Price Tag hitmaker.
Hunyo sang ginsapubliko sang singer-songwriter nga na-diagnose siya nga may early-stage breast cancer. Sang amo man nga bulan, kasunod sang iya performance sa Summertime Ball sa London, nagpaidalom siya sa una nga operasyon.
