Ginkumpirma sang aktres nga si Jessy Mendiola nga gina-preparahan na nila ni Luis Manzano ang ila church wedding kag malapit na lamang ini nga matabo.
Suno kay Mendiola, magatambong ang iya bilog nga pamilya sa ila nga destination wedding.
Madumduman nga 2021 sang nagpakasal man sanday Jessie kag Luis sa intimate ceremony kag gintambungan lamang sang ila nga pamilya kag pila lamang ka mga abyan.
Una nga nagpakasal ang duha sa Lipa City sa Batangas sa atubang sang alkalde sang syudad.
Pila lamang ka guests ang nagkadto lakip ang ginikanan ni Luis nga sanday Vilma Santos kag aktor nga si Edu Manzano.
Wala naman nakakadto ang iloy ni Jessy apang naglantaw man sang selebrasyon paagi sa video call.
May isa sila ka baby girl nga si Isabella Rose Manzano ukon si Baby Peanut.
