Nagatunog pa ang mga espekulasyon nga opisyal na nga naghingyo ang six-time All-Star nga si Jimmy Butler nga i-trade siya halin sa Miami Heat.
Sa latest interview kay Butler, ginsiling sini nga gusto niya nga mabatyagan liwat ang kalipay sa paghambal sang basketball. Sang ginpamangkot kun makit-an niya ina nga kalipay sa Miami, sabat ni Butler: “Probably not.”
Sa latest game sang Heat batok sa Indiana, nalutos ang Miami kag naka-skor lamang si Butler sang nueve puntos. Wala man siya ginpasulod sa fourth quarter kaangay man sa natabo sa ila nauna nga hampang batok sa New Orleans.
Wala pa sang opisyal nga statement halin sa Miami star nga direkta nga nagasiling nga gusto niya maghalin, apang may nagaguwa na nga inisyal nga reports nga gusto sini ma-trade antes ang deadline sa Pebrero 6.
Sang yara siya sa Miami sa 13 seasons, 12 ka beses sila nga nakasulod sa playoffs lakip na ang duha ka NBA Finals kag isa ka Eastern Conference finals.
Ang ginabati-bati nga kadtuan sini pananglitan madayon ang trade amo ang Phoenix Suns, Golden State Warriors, Houston Rockets kag Dallas Mavericks.
