Gin-appoint sang China si Jing Quan, anay senior diplomat sa Washington D.C., bilang bag-o nga Ambassador sa Pilipinas, sa tunga sang madugay nga tensyon sa West Philippine Sea (WPS).
Nag-abot si Jing sang Sabado, Disyembre 6, kag gin-abi abi sang mga opisyal sang Department of Foreign Affairs kag sang Chinese Embassy.
Suno sa embahada, ginsiling ni Jing nga apisar mabudlay ang task, siguruduhon niya mapadayon ang dignidad kag interes sang pungsod samtang nagserbe nga taytay agud mapapag-on ang relasyon sang China kag Pilipinas.
Magatal-os siya kay Ambassador Huang Xilian, nga nagserbisyo sang anon ka tuig, nga nagdugay sang administrasyon ni Duterte tubtob sa una nga bahin sanh termino ni President Ferdinand Marcos Jr.
Antes ang Manila assignment, nagserbe si Jing bilang deputy chief of mission sa Chinese Embassy sa Washington D.C.
Sa makaligad nga duha ka dekada, nakilala siya sa U.S.-China relations, lakip ang trade negotiations sa idalom sang administrasyon ni Trump, kag bilang fellow sa Brookings Institution sang 2004–2005.
Ang lapnagon nga experience ni Jing sa Estados Unidos ang nagpakita lamang kun ano ini ka hasa pag-abot sa negosasyon.
