Ipaguwa na sang Sandiganbayan subong nga adlaw, Enero 19, ang desisyon sini kaangot sa P183-million nga plunder case nga ginapangatubang ni Senator Jinggoy Estrada nga naangot sa pork barrel scam.
Ginalauman man nga magakadto si Estrada sa korte agud personal nga mabatian ang desisyon.
Antes sini, ginpahayag sang senador nga ginakulbaan siya apang may paglaum man nga mangin paborable sa iya ang desisyon: “I hope that they will be fair… I hope we get a favorable decision. I’m nervous. Hopeful and nervous. I’ll just pray.”
Nahibaluan nga gin-akusaran si Estrada bangud sa sala nga paggamit sa Priority Development Assistance Fund (PDAF) ukon kilala man nga pork barrel halin sang 2004 tubtub sabng 2010.
Nabuyagyag ini nga scheme sang 2013 apang ginpanindugan sang senador nga inosente siya sa amo nga krimen.
Septyembre 2017 sang gintugutan sang Sandiganbayan nga makapyansa si Estrada apisar nga makabig nga non-bailable offense ang plunder.
Nagdangat sa P1-million ang pyansa sini sa plunder kag P330,000 sa 11 counts sang graft nga kaangot man sa alleged misuse sang his pork barrel halin sang 2008 tubtub sang 2009.#
