Lunsay matigdas ang pagpanginwala nanday Senador Joel Villanueva kag Senador Jinggoy Estrada matapos ginhingadlan sila sang isa ka former assistant district engineer nga involved sa anomaliya sa pondo para sa flood control.
Ang naghimo sang akusasyon amo si former Department of Public Works and Highways (DPWH) Bulacan assistant district engineer Brice Ericson Hernandez kadungan sang hearing sang infrastructure committee sang Kamara kahapon, Septyembre 9.
Kasunod sini, ginhangkat ni Estrada si Hernandez nga magpa-lie detector test; samtang si Villanueva naman, nagpanawagan nga klaruhon kag i-identify ang iya ginpahayag nga “Dracula” ukon mastermind sa mga anomaliya.
“I will not allow this brazen attempt to smear my name to go unanswered. This will not pass quietly. Beyond the administrative and criminal liabilities he may face, I will ensure that Mr. Hernandez is held accountable for perjury and made to answer for his deliberate falsehoods before the proper judicial forum,” pahayag ni Estrada.
Sa pihak nga bahin, nagsabat naman si Villanueva: “I will never betray my principle. I will never ever. I will never ever, Mr. President destroy the name that was given to me by my parents because it is priceless. The bible says a good name should be chosen than great richest. Pinalaki po ako ng magulang ko na naniniwala ako sa langit at impyerno. Pinalaki po ako ng magulang ko na naniniwala ako that when you die here on earth, you will face your creator and immediately into judgement.”
Kun balikan ang mga alegasyon ni Hernandez, si Estrada amo ang nagpapanaog sang P355 million nga balor sang proyekto sa Hagonoy kag Malolos, Bulacan sang 2025 nga may 30% “SOP” ukon kickback.
Sanday DPWH drivers Christian Santiago kag Andrei Balatbat amo ang ginatudlo nga point persons ni Estrada sa idalom sang direksyon ni former district engineer Henry Alcantara.
Para naman kay Villanueva, gin-claim ni Hernandez nga sang 2023, nag-release ang senador sang P600 million nga balor sang proyekto sa Balagtas, Bulacan nga may yara man sang pareho nga 30% cut.
Ini nga pondo suno kay Hernandez ang gin-deliver sa balay ni Villanueva sa Bocaue paagi kay construction section chief Jaypee Mendoza kag Alcantara.
Si Alcantara suno kay Hernandez ang nagatindog nga “chief implementor” nga direkta nga naga-koordinar sa mga pulitiko.
Gin-alegar nga nagakuha ini sang 3% commission para sa iya kaugalingon kag nagamandu sa engineers nga hambalon ang contractors nga kinahanglan ang dugang nga 2% “finder’s fee” kun luyag nila nga maka-secure sang dugang nga mga project.
Antes ginpangbuyagyag ini nga mga rebelasyon, nag-apelar si Hernandez sa Kamara nga indi na siya pag-ibalik sa Senado kun sa diin gin-detain siya matapos gin-cite in contempt sang Lunes.
Nagsabat naman si Congressman Terry Ridon nga magapakig-angot ang panel sa Senate Blue Ribbon Committee para matugutan si Hernandez nga magpabilin sa kustodiya sang Kamara.#
