Balabagan sang Department of Justice (DOJ) ang apelar ni Senator Jinggoy Estrada sa Sandiganbayan nga tugutan ini nga magbyahe sa luwas sang pungsod.
Suno kay DOJ spokesperson Polo Martinez, isa ka “flight risk” si Estrada kag indi dapat magpa-abroad ilabi na nga may yara sang precautionary hold departure order (PHDO) batok sa iya halin sa korte sa Manila.
Gin-file ni Estrada ang mosyon nga nagapangayo sang pahanugot nga makabyahe sa Hong Kong, Macau, kag sa Japan halin sa Marso 31 tubtub Abril 5.
May ginapangatubang pa siya nga kaso kaangot sa alleged misuse sang iya nga Priority Development Assistance Fund (PDAF) sa nagligad sini nga termino bilang senador.
Magluwas diri, may PHDO nga ginpagwa ang Manila Regional Trial Court Branch 52 matapos nakitaan sang probable cause agud patihan nga siya kag ang iban pa nga respondents ang posible nga magguwa sa pungsod agud nga makalikaw sa pag-aresto kag kaso.
Ini nga order ang naangot naman sa plunder complaint batok kay Estrada sa DOJ bangud sang alleged involvement sini sa maanomaliya nga flood control projects.
Pahayag pa ni Martinez, ang korte nga nag-isyu sang PHDO amo lamang ang maka-revoke sang ila kaugalingon nga order.#
