Patay ang Brazilian jiu-jitsu great kag eight-time world champion nga si Leandro Lo matapos ginluthang sa Sao Paulo, Brazil.
Ginapahayag nga kaupod sang 33-anyos nga martial arts champion ang iya nga mga abyan sa isa ka sports kag social club sa Sao Paulo sang nag-abot ang isa ka ginapahayag pulis sa ila lamesa kag nagpamahog.
Ginpahayag nga nagbalos pa si Lo apang ginapahayag nga nagbunot ang pulis sang iya nga pusil kag gintiro sa ulo si Lo.
Gindala pa ang jiu-jitsu champ sa ospital apang gin-deklarar nga brain-dead.
Isa si Lo sa ginakabig most successful jiu-jitsu competitors of all time.
Nakadaog siya sang International Brazilian Jiu-Jitsu Federation (IBJJF) world titles sa lima ka lain-lain nga weight classes halin 2012 tubtub 2022.
Nakahampang man siya sa World Cup, Pan American championships kag Brazilian National Jiu-Jitsu Championships. ##
