UNITED STATES – Gintawag nga reckless kag iresponsable ni Joe Biden, anay bise presidente sang Estados Unidos si US President Donald Trump bangud sa paghiwat sini sang hublag protesta sa Arizona sa pihak sang Coronavirus Disease 2019 (COVID-19) pandemic.
Suno kay Biden, isa ka distraction ang pagbisita ni Trump sa Arizona sa pihak sang padayon nga nagataas ang kaso sang COVID-19.
Sa baylo nga mangin tampad si Trump sa serbisyo agud masolbar ang krisis sa public health kag ekonomiya dugang pa sang bise presidente, mas ginahatagan pa sang atensyon sang presidente ang wala pulos nga pagpatukod sang border wall sa Yuma, isa ka syudad sa Arizona.
Ginpahayag man ni Biden nga masobra 1,300 nga mga Arizonians ang napatay kag masobra 50,000 naman ang nagpositibo sa COVID-19.
Apang apisar sa madamo nga kaso pahayag sang bise presidente, napaslawan sa gihapon si US President Trump nga punggan ang paglapta sang virus.
