Gin-insister sang isa ka House leader nga indi dapat pagbalewalaon ang pahayag ni former President Rodrigo Duterte kaangot sa pagpatay sa mga senador.
Suno kay House of Representatives Assistant Majority Leader kag Tingong Party-list Representative Jude Acidre, ang pagpahog sa public officials — bisan lahog man ukon indi — ang mahimo makabig nga krimen sa idalom sang laye sang Pilipinas.
Mahimo ini maangot sa inciting to sedition ukon grave threats kag may mga penalidad suno pa sa mamalidha.
Kun balikan, sa proclamation rally sang senatorial slate sang Partido Demokratiko Pilipino – Lakas ng Bayan (PDP-Laban), nag-joke si Duterte nga pangpatyon ang 15 ka mga senador para nga may bakante nga mga pwesto nga mahimo buslan sang iya mga kandidato.
Ang reelectionists nga sanday Christopher “Bong” Go kag Ronald “Bato” Dela Rosa nga long-time allies sang mga Duterte ang nalakip sa lista sang senador nga gina-endorso sang anay punong ehekutibo para sa eleksyon.
Para naman kay Acidre, ang pamahog sang violence ang katumbas sa pamahog sa seguridad kag naga-promote pa sang culture of violence.
“Hindi lang ito basta padalos-dalos na salita—krimen ito sa ilalim ng batas. Ang pagbabanta sa mga opisyal ng gobyerno ay maituturing na inciting to sedition o grave threats, at may kaakibat na parusa,” kabahin sang statement sang mamalidha.
“Hindi puwedeng balewalain ito kasi nagdadala ito ng tunay na banta sa seguridad, at napipilitan ang gobyerno na gumastos ng pondo at magpakilos ng pulis at militar para tugunan ang banta, kahit pa sinasabi nilang biro lang ito.”
Ginpahayag man sini nga ang statement ni Duterte ang salamin gid sa ginhimo sang iya anak nga si Vice President Sara Duterte nga nagpahog man nga patyon sanday President Ferdinand “Bongbong” R. Marcos Jr., First Lady Liza Araneta – Marcos, kag House Speaker Martin Romualdez pananglitan may magpatay sa iya.
Matandaan nga gin-impeach na sang Kamara ang bise-presidente kag ginahulat naman ang mangin trial sa senado. 240 ka mga mamalidha ang nagpabor sa impeachment complaint nga nagpasaka sini sa upper chamber.#
