Nag-isyu si Jordan, Guimaras Mayor Atty. John Edward Gando sang Executive Order No. 44, Series of 2026 nga nagamando sang implementasyon sang pila ka mga tikang agud mapunggan ang pagsulod sang African Swine Fever (ASF) sa banwa.
Sa interview sang Bombo Radyo kay Mayor Gando, iya ginpahayag nga apisar wala sang confirmed ukon suspected ASF cases sa Jordan, ini nga mga tikang ang nagatuyo suportahan ang inisyatibo sang provincial government para protektahan ang ini nga industriya.
Suno kay Gando, ini nga Executive Order nagalakip sang mga masunod:
*temporary nga pag-ban sang pagsulod sang baboy, karne sang baboy kag pork products halin sa iban nga banwa
*pagdumili sang entry sang , hogs, pork, ukon pork products halin sa mga lugar nga may confirmed ukon suspected cases sang ASF.
*pagtugot sang pagbaligya sang hilaw nga karne sang baboy sa pili lang nga mga lugar pareho sang Rizal Public Market, Dr. Guardalino Mosqueda Terminal Market, kag authorized establishments nga may Meat Inspection Certificate.
*ang tanan nga baboy nga nagasulod sa Municipal Slaughterhouse kag Auction Market ang kinahanglan nga may Veterinary Health Certificate halin sa Provincial Veterinary Office.
*pagtukod sang border control points nga bantayan sang Jordan Philippine National Police kag Jordan Public Safety and Traffic Management Unit.
Nagpanawagan naman ang alkalde sa publiko nga magtuman sa sini nga mga pagsulundan agud maprotektahan ang banwa gikan sa African Swine Fever kag sa possible dako nga halit sini.
