JORDAN, GUIMARAS – Nagpasa na sang sulat ang Jordan Motorbanca Cooperative kay Presidente Rodrigo Duterte kag kay Department of Transporatation Secretary Arthur Tugade nga pahanugutan ang mga motorbanca nga makabiyahe sa Iloilo-Guimaras vice versa.
Sa interview sang Bombo Radyo kay Ofelia Canja, chairperson sang Jordan Motorbanca Cooperative, iya ginpahayag nga may yara sang temporary suspension nga ginpaguwa ang Maritime Industry Authority sang Agosto 5 sa mga motorbanca sa diin tubtob subong, wala sa gihapon sang biyahe.
Suno kay Canja, ginasaligan sang operators kag crew ang ila palangabuhian kag kun tani pamatia-an nanday Presidente Duterte kag Sec. Tugade ang ila hingyo.
Dugang pa sang natungdan, wala pa sila sang ideya kun san-o gid magabalik sa normal ang biyahe sang mga sakayang pandagat.
Sa subong, ang operators kag crew ang naka stand-by lamang sa Parola Wharf kag Jordan Wharf agud nga maghulat kun san-o magbalik ang biyahe.
Nahibaluan nga may yara sang 42 ka operators ang nagabug-os sa Jordan Motorbanca Cooperative.
