Gindagdagan sang warrant of arrest si Jose Nereo Cajilig Lujan nga amo ang head sang Public Information and Community Affairs Office sang Iloilo Provincial Government.
Ang warrant of arrest nga gin-isyu sang Regional Trial Court (RTC) Branch 38 ang naangot sa two counts sang cyberlibel nga ginpasaka ni anay Iloilo City Mayor Jerry Treñas.
Gin-file sang anay alkalde ang kaso bangud sa ginapahayag pagtamay ni Lujan kay Treñas paagi sa mga facebook posts sini.
Suno kay Treñas, hugot niya nga ginabatun ang mga kritisismo batok sa iya ilabi na sang yara pa sya sa pwesto, apang subong nga isa na sya ka private citizen, kinahanglan nga mapangapinan na ang kamatuoran indi lang para sa iya, kundi para mismo sa mga indibidwal nga biktima sang sala nga mga impormasyon.
Kasunod sang gindagdag nga warrant, nagvoluntary surrender naman si Lujan sa korte.
Nagkomento pa ni sa post ni Trenas nga nakapyansa na siya sa nasambit nga kaso.
Nahibaluan nga P48,000 ang piyansa sa kada count sang cyber libel nga ginpasaka batok kay Lujan.
