Maga-updanay ang anay magkahagugma nga sanday Joshua Garcia kag Julia Barretto sa bag-o nga pelikula nga may tig-ulo nga “Un/happy For You.”
Istorya ini sang duha ka anay magkahagugma apang wala ginsapubliko ang iban nga mga detalye. Natalana man ini nga ipaguwa subong nga tuig sa idalom sang direksyon ni Petersen Vargas.
Una nga nagka-trabaho ang duha sa “Vince and Kath and James” sang 2016, “Love You to the Stars and Back” sang 2017, “I Love You, Hater” sang 2018 kag “Block Z” sang 2020.
Updanay man sila sa TV series nga “Ngayon at Kailanman” sang 2018.
2019 sang ginkumpirma ang ila nga breakup kag subong pareho nga malipayon sa ila relasyon. Ka-low-key relationship ni Julia si Gerald Anderson halin sang Marso 2021, samtang si Joshua naman kag ang Pinay-French golfer nga si Emilienne Vigier halin sang 2023.
