Ginabug-usan sang 24 tanan ka mga judges ang magahukom sa apat ka mga kompetisyon sa Dinagyang Festival 2025.
Sa interview sang Bombo Radyo kay Elvert Bañares, Director for arts and culture initiatives sang Iloilo Festivals Foundation, Inc. (IFFI), iya ginpahayag ang apat ka kompetisyon amo ang Dinagyang ILOmination, Kasadyahan sa Kabanwahanan, Dagyang Tribes Competition, kag Sadsad sa Calle Real.
Suno kay Bañares, magaserbe nga chief judge sang Dinagyang ILOmination ang multi-awarded theater director, arts, & heritage advocate nga si Director Chris Millado.
Magaserbe man nga chief judge sang Kasadyahan sa Kabanwahanan ang former chairman sang National Commission for Culture and the Arts nga si Shirley Halili-Cruz.
Chief judge naman sang Dagyang Tribes competition si Former Dance Artist, Filipiniana Dance Company nga si Mr. Nestor Jardin.
Si Executive Director, National Commission for Culture and the Arts Dr. Eric Zerrudo naman ang magaserbe nga chief judge sang Sadsad sa Calle Real.
