Nagapaayo na sa ila balay ang aktres nga si Julia Barreto matapos nagtinir sang pila ka adlaw sa ospital.
Wala sini gindetalye kun ano ang rason sang pagka-confine sini apang ginlaragway niya ini nga “mabudlay” kag nagpahanumdom pa sa publiko nga dapat unahon gid sa prayoridad ang ikaayong lawas.
“A tough time but taking this one as a reminder that our health should always be top priority. Sending good energy!,” kabahin sang caption sa Instagram.
Sa black-and-white picture sini nga gin-share, may yara pa sang oxygen tube sa iya nga ilong. Sa isa ka picture, nagahigda na ini apang wala na sang nasal tube.
“Discharged and finally home. Thanks so much to my doctors, nurses and the entire medical staff for taking such good care of me the past couple of days. Thank you for the long hours of hard work,” pahayag ni Julia.
Sang nagligad nga sinemana, matandaan nga nakit-an pa si Julia sa interviews samtang nga gina-promote sini ang bag-o nga pelikula kaupod ang iya ex-boyfriend nga si Joshua Garcia.#
