Ginkumpirma sang kampo nanday Julia Barretto kag Gerald Anderson nga bulagay na sila.
Base sa statement sang talent agency sang 36-anyos nga actor, pareho nila nga desisyon ang ila nga separasyon.
“We request the public to respect their decision and refrain from spreading false narratives,” kabahin sang statement sang Star Magic. “Gerald and Julia are grateful to their fans and friends for the love and support.”
May linya naman sa statement sang Viva Artists nga nagapatimaan nga madugay na natabo ang break-up antes ini opisyal nga ginsapubliko. Base sa pahayag, “the two have mutually and amicably parted ways for some time now.”
Dugang sini: “The circulating speculations in recent weeks regarding the reason for their breakup are unfounded and baseless.”
Wala sang ginhatag nga eksakto nga rason sang ila nga breakup.
Matandaan nga gin-anunsyo sang veteran actor kag 28-anyos nga aktres ang ila relasyon sang tuig 2021, matapos ang break-up ni Gerald sa iya anay long time girlfriend nga si Bea Alonzo.
