Ginkilala si June Mar Fajardo bilang Most Valuable Player (MVP) sa 47th season sang Philippine Basketball Association (PBA)!
Ini na ang ika-pito nga MVP award sang nasambit nga San Miguel Beermen star matapos nga nakuha man ini nga pasidungog sa sunod-sunod nga tuig halin sang 2014-2019.
Si Fajardo, 6’10 center halin sa Cebu, amo man ang naga-uyat sang pinakadamo nga MVP titles sa bug-os nga maragtas sang PBA.
(PBA Image)
Sa ika-46 nga season, naghinay ang performance sini bangud sa naangkon nga injury kag sa amo nga season, nakuha ni Scottie Thompson sang Barangay Ginebra San Miguel ang korona nga amo ang nag-utod sang winning streak sang Cebuano basketball star.
Apang nagbalik ang pwersa ni Fajardo sa 47th season (2022-2023) kag ginpangunahan ang lowest-seeded nga Beermen sang amo nga tion agud makadaog sa 2022 PBA Philippine Cup tatlo ka tuig matapos ang ila nga five-peat sang 2019.
Ang iya nangin performance sa 2022 PBA Cup ang naghatag sa iya sang iya ikaapat nga Finals MVP award kag ika-siyam nga titulo bilang Best Player of the Conference.
Sa sini nga season, may yara ang Kraken sang per game average nga 17.7 points, 15.5 rebounds, 2.9 assists, 1.3 blocks, kag 0.7 steals sa 46 ka mga sambuwa nga amo ang rason nga nagbalik sa iya ang korona. #
