Nagsaka sa ika-lima nga pwesto ang San Miguel star nga si June Mar Fajardo sa all-time rebound list sang Philippine Basketball Association (PBA).
Ini matapos nahimo sini ang 19 rebounds kag 21 points sa hampang sang Beermen batok sa Terrafirma.
Bangud sini, nagdugang pa ini sa record sang reigning eight-time MVP kag subong nalapawan na sini ang league legend nga si Alvin Patrimonio.
Suno sa PBA, nagdangat na sa 6,163 rebounds ang nahimo ni Fajardo nga mas mataas sa 6,152 sang four-time MVP sa iya 17 ka season nga kaupod sa Purefoods franchise.
Impresibo ini nga record bangud pang-11 nga season pa lamang ini sang 6-foot-10 player.
Ang nagapanguna naman sa rebounding pack amo ang PBA icons nga sanday Ramon Fernandez (8,652), Abet Guidaben (8,570), kag Jerry Codiñera (7,034).
