Partially burned ang isa ka junk shop sa sunog nga nagluntad sa Barangay Lapayon, Leganes, Iloilo.
Ang shop ang ginapanag-iyahan ni Maricon Misare.
Sa interview sang Bombo Radyo kay Misare, iya ginpahayag nga naga-welding ang isa niya ka tinawo kag wala sini matalupangdan nga nagkaladagdag sa styrofoam kag iban nga mga scrap materials ang welding slag.
Bangud sini, madasig nga naglapta ang kalayo.
Apang maswerte na lang nga wala sang may napilasan sa amo nga fire incident.
Gilayon naman nga napalong ang kalayo sang nagresponde ang Bureau of Fire Protection (BFP) – Leganes.
Sa interview sang Bombo Radyo kay Senior Fire Officer 2 Alvin Orada, chief sang Investigation Unit sang BFP-Leganes, iya ginpahayag nga ginabanta P3,000 ang halit nga natuga sang sunog.
Sunog naman ang halos tanan nga scrap materials sa junk shop.
