ESTADOS UNIDOS – Bangud lamang sa post sa Facebook, isa ka juror sa Estados Unidos ang ginmultahan.
Si Kimberly Ellis, ang ginapabayad sang $1,000 ukon kapin sa P50,000 matapos nahibalu-an sang prosecutors kag sang Queens Supreme Court Justice ang tuhoy sa kontrobersyal nga social media post.
Santo sa post ni Ellis, ginatinguhaan niya nga mangin positibo apang indi niya mahinago ang “boredom” samtang nagapadayon ang case trial.
Magluwas diri, ginpabutyag man ni Ellis ang iya pagkadismaya sa jury deliberation kag gintawag nga “inefficient” ang kabug-usan nga proseso sang trial sa kaso nga felony nga ginakaulamiran sang akusado nga si Sandess Pierre, 42 anyos.
Matapos mahatagan sang silot, gin-ako ni Ellis nga sala ang iya ginhimo bangud bilang first timer, wala pa siya sang tul-id nga ihibalo kag eksperyensya kun ano gid ang sakop sang iya trabaho.
Para kay Queens Supreme Court Justice Ira Margulis, nangin wala sang pulos ang effort sang tanan bangud gindeklarar nga mistrial ang kaso.
