Ginplastar sang law professor nga apisar ang impeachment ang isa ka political process, may mga isyu nga mangin mangin justiciable ukon legal nga isyu nga sakop sang gahum sang Korte Suprema.
Sa interview sang Bombo Radyo kay Atty. Nestor Jeremy Moreno, iya ginpahayag nga ang mga political questions amo ang mga isyu nga ginatugyan sang Konstitusyon sa mga sangay nga may gahum nga pampulitika pareho sang Kongreso kag sang Ehekutibo.
Suno sa iya, lain ang justiciable questions bangud ang mga ini ang may kahilabtanan sa husto nga interpretasyon kag aplikasyon sang layi, gani mahimo nga ipasaka kag desisyunan ini sa Korte Suprema.
Gintumod ni Moreno ang isyu sa ginakinahanglan nga numero sang boto para mapamatbatan ang isa ka opisyal sa impeachment bilang posible nga mangin justiciable issue.
Suno sa iya, kun may debate sa insakto nga interpretasyon sang probisyon sang Konstitusyon tuhoy sa voting requirement, ang Korte Suprema ang may gahum nga magresolba sini.
Sa subong, suno kay Moreno, ginapatuman sa gihapon ang interpretasyon sang impeachment court nga nagakinahanglan sang 16 ka boto para sa conviction apang possible ini mabag-o kun magpagwa sang baliskad nga desisyon ang Korte Suprema.
