Ginapa-review ni President-elect Ferdinand “Bongbong” Marcos Jr. ang K-12 program.
Suno pa kay Marcos, isa man sa iya nga ginpahanumdom kay Vice President-elect kag incoming DepEd Secretary Sara Duterte-Carpio amo ang pag-prayoridad sa ikaayo sang mga manunudlo.
Una na nga ginkumpirma ni Duterte-Carpio nga may mandu na sa iya nga i-review ang amo nga kontrobersyal nga curriculum.
Ginpatuman ang K to 12 curriculum sa idalom sang administrasyon ni late President Benigno “Noynoy” Aquino III.
Gin-introduce ini sang 2011 kag ginapaidalom sa review sa sulod na sang duha ka tuig.
Sa idalom sini nga programa, ginkakas na ang previous 10-year basic education system pagkatapos sang Kindergarten (ukon ang anum ka tuig sa grade school kag apat ka tuig sa high school).
Ginbuslan ini sang anum ka tuig sa grade school, apat ka tuig sa junior high school, kag duha ka tuig sa senior high school.
Suno anay sa Aquino administration, ang Pilipinas amo ang katapusan nga pungsod sa Asya nga nagpatuman sang 10-year pre-university cycle.
