Kaalyado ni Trump nagakaalarma na sa mga tikang nga ginahimo sang Presidente ilabi na sa pagpapauli sa mga soldado sa Amerika gikan sa Afghanistan kag Iraq

Naalarma ang pila ka mga senior Republicans sa nangin tikang ni US President Donald Trump nga papulion na ang ila mga soldado nga naka-deploy sa Afghanistan kag Iraq.

Ini bangud ginkumpirma sang Department of Defense nga pabalikon na sa Amerika ang 2,500 troops gikan sa Afghanistan kag 2,500 troops naman gikan sa Iraq.

Gintawag ni Senate Majority Leader Mitch McConell nga dako nga sala ang ginhimo ni Trump.

Ginpaandaman man niya ang Presidente batuk sa ginahimo sini nga mga pagbag-o tuhoy sa depensa sang pungsod kag foreign policy antes ini maghalin sa White House.